Happy Birthday Cagayan de Oro City! 68th Charter Day, gisaulog karon sa Cagayan de Oro

Gisaulog karon sa Cagayan de Oro City ang ika 68 nga Charter Day.

Sugod niadtong 1946, gi-lobby ni Misamis Congressman Pedro S. Baculio sa Kongreso nga ang Cagayan de Misamis madeklarar isip usa ka syudad.

Disyembre 17, 1949, ang bag-ong Congressman nga si Hon. Emmanuel Pelaez giduso ang House Bill Number 54 nga gititulohan og “An Act Creating the City of Cagayan de Oro”.


Hunyo 15, 1950 sa alas 11:30 sa buntag, gipirmahan ni Presidente Elpidio Quirino ang city charter.

Gidugangan ni Congressman Pelaez og de Oro ang Cagayan aron marekognisar ang gold mining sa mga hinterland barangays nga naila sa mga Spanish explorers niadtong 1500s.

Ang pinakaunang mayor sa Cagayan de Oro mao si Max Y. Suniel, gisundan ni Justiniano R. Borja sa tuig 1954.

Subling nahimong mayor si Borja niadtong1955 ug balik-balik nga nahimong mayor hangtud nga namatay niadtong Oktubre 3, 1964.

Gitawag siyang “Arsenio Lacson of Cagayan de Oro” nga maoy responsible sa paglambo sa syudad sukad 1959 sa dihang gibuksan ang Cogon Market.

Source: History of Cagayan de Oro, By Antonio J. Montalvan, Ph.D.
Web photo

Facebook Comments