Haze nga resulta sa nagpadayon nga forest fire sa Indonesia, nakasulod na sa Region 10

Nisulod na ning rehiyon ang Haze nga maoy resulta sa nagpadayon nga forest fire sa nasud sa Indonesia.

 

Matud ni Reynaldo Degamo, ang Director sa Environmental Management Bureau kon E-M-B  nga basi sa ilang monitoring niadtong Setyembre 13 ug 14, adunay 26 microgram per normal cubic meter, apan misaka kini 35 microgram niadtong  petsa 15,  hangtud nga miabot na kini sa 54 microgram bag-ohay lang.

 

Dugang pa ni Degamo nga 50 microgram lamang ang normal nga cubic meter apan milapas na kini sa standard.


 

Nasayran nga ang Haze combination sa abog ug aso nga maoy nakapalandong sa syudad karong panahona.

 

Samtang giklaro ni Director Degamo nga bisan og nilapas na sa standard ang microgram sa haze diri sa syudad ug Misamis Oriental apan anaa pa gihapon ang level niini sa fair basi sa Air Quality Index.

 

Matud ni Degamo, nga ang 0-50 mao ang gitawag nila nga good level, u gang 100 to 150- mao ang gitawag nila nga unhealthy.

 

Dugang pa ni Degamo nga adunay panahon nga moubos ang haze ilabi na kung init ang panahon.

Facebook Comments