Health expert: Hinay-hinay nga pagdaghan sa COVID cases angay bantayan

32
Davao City – Gipanawagan karon sa Davao Vaccination Team ang tanang Dabawenyos nga magpa-administer na og booster shots sa COVID-19 tungod sa hinay-hinay nga pagdaghan sa kaso sa COVID sa nasud.

As of January 2, 2022, nakatala ang Department of Health kun DOH Philippines og dugang 4, 600 COVID cases gani gipailawom sa striktong alert level ang National Capital Region (NCR).

Sa pakighinabi kang Davao Vaccine Cluster head Dr. Josephine Villafuerte atol sa Straight to the Point Program Morning Edition ni RadyoMaN June Duterte, giingon sa doktora nga aron protektado ug dili daling matakdan sa COVID, kinahanglan magpa booster shots sa nasangpit nga bakuna tungod namatikdan karon sa National Capital Region kun NCR nga nagataas ang kaso sa maong virus ug kinahanglan kini bantayan dinhi sa syudad.

“As of today sa atong COVID situation, 3 ang atong positive nga nakuha sa Davao City… apan ang atong dapat bantayan kasi ang National Capital Region taas ang ilang cases, pagtaas ang kaso sa NCR, dahan-dahan, tumataas ang atong kaso. Siyempre ang tao didto mubyahe paadto sa atoa,” saysay ni Villafuerte.

Dugang sa hepe sa vaccination sa syudad, abri na ang tanang vaccination sites sa dakbayan alang sa general public nga naka 2nd dose sa COVID vaccine 3 ka bulan na ang milabay.

RadyoMaN Renz Barbarona

Facebook Comments