Heavy equipments sa quarry site sa Negros Oriental, ginsunog sang mga rebelde

43

Ginahibalo pa sang mga otoridad ang balor sang mga heavy equipment nga ginsunog sang mga rebelde sa Ayungon, Negros Oriental.

Suno sa impormasyon, ginabululubanta 50 ka mga miyembro sang New People’s Army (NPA) ang nagsulod sa quarry site sang Pilipinas Eco-Friendly Mining Corporation sa Barangay Jandalamanon, Ayungon, gab-i sang Enero 2, 2019.

Ginapatihan nga gindis-armahan sang mga rebelde ang duha ka gwardiya sang kumpaniya.

Ginbubu-an man nila sang gasolina kag ginsindihan ang mga bulldozers, excavators kag truck nga ginagamit sang kumpaniya sa quarry operations.

Suno sa Ayungon Municipal Police Station, gilayon nga nagpalagyo ang mga suspek sa banwa sang Bindoy, Negros Oriental.

Ini ang pinaka-una nga insidente sang pag-atake sang NPA sa nasambit nga probinsya subong nga 2019.

Sa karon padayon ang hot pursuit operations sang 94th Infantry Batallion sang Philippine Army, Regional Mobile Force kag Negros Oriental Provincial Mobile Force. -rcsg

Photos courtesy of Dumaguete Daily Bulletin

Facebook Comments