South Cotabato–Nagtuo ang labaw sa Tupi Municipal Police Station nga si PSI Samuel Bascon Jr . nga nag ubos gayud ang ihap sa mga nagapahuyot og nagabaligya og ginadiling droga sa Rehiyon 12, kini basi sa datus nga gikan sa PDEA-12.
Sumala pa ni Bascon nga iyang nakita nga daku gayud ang kausaban sa pag ubos sa droga sa nasod sukad nga nahimong pangulo si Pangulong Rodrigo Duterte gumikan sa iyang war on drugs nga gukdon gayud kadtong mga tao nga padayon nga nagapayuhot og nagabaligya sa ginadiling droga.
Pagbutyag usab sa opisyal nga sa ilahang AOR sa Tupi South Cotabato iyang nakita nga miubos usab ang mga migamit og nagabaligya og ginadiling droga tungod sumala nga daghan na usab ang miundang sa maong gimbuhaton apan gipaklaro niini ang duna usab wala miundang nga maoy subject sa ilahang operasyon.
Nanawagan usab si Bascon sa mga tawo nga wala pa miundang sa sa pagamit og pagbaligya og ginadiling droga nga musureder na sa kapolisan tungod kay andam sila nga motabang og dunay mga programa ang gobyerno alang kanila. (Reynald Timario)
