High Ranking NPA Leader kag miyembro patay sa engkwentro sa tropa sang militar sa probinsya sang Cotabato.

22

Patay ang duha ka mga miyembro sang Communist Terrorist Group – New People’s Army (CTG – NPA) sa diin isa dire ang high ranking official sa ginpatigayon nga army-police operation sa banwa sang President Roxas, North Cotabato kahapon sang aga.
Ginkilala ang mga napatay nga sanday Buenaventura Dawal alias Atan, miyembro sang Executive Committee sang Southern Mindanao Regional Committee kag ang upod sini nga ginkilala kay alias Alambo, samtang ang isa pa ang ginkilala kay Patrick Nadong alias Chris, former political instructor sa underground movement ang tigayon nga nakapalagyo.
Ang elemento sang 90th Infantry (BIGKIS LAHI) Battalion sa idalom sang 602nd Brigade sang 6th Infantry Division; 72IB, Cotabato Police kag President Roxas municipal police ang una nga nagsalakay sa hideout kag ginsunod ang pagserbi sang Warrants of Arrest sa kaso nga murder batok sa mga suspects sa Sitio Marinangao, Brgy. Sarayan sa nasambit nga banwa.
Ginpaulanan suno pa sang bala sang mga suspek ang raiding kag arresting team sang iserbi ang warrant of arrest nga nagresulta sang engkwentro kag nangin tunaan sang amatayon sang duh aka mga suspek kag isa nga pilason nga wala nakilal-an nga armado sang armas luthang nga ginapatihan miyembro sang CTG member nga gilayon naman nga gindala sa ospital.
Narekober naman ang mga war materials nga ginalakipan sang 1 ka Elisco M16 Rifle, 1 ka M1 Carbine Rifle, 1 ka Norinco Cal. 45 Pistol, 2 ka IEDs, mga dokumento kag pipila ka personal belongings.
May-angot sini, gindayaw naman ni Major General Juvymax Uy, Commander sang 6ID kag Joint Task Force Central ang tropa nga ginapamunuan ni Lt. Col. Romel Mundala, Commanding Officer sang 90th IB kag iban nga government forces nga padayon nga nagatinguha nga balabagan ang terrorist acts sang mga nabilin nga Communist Terrorist Group sa idalom sang SMRC nga ginakonsiderar armed peace spoilers.

Facebook Comments