High risk teenage pregnancy gikaalarma

Davao City – Taas og risgo alang sa kababayen-an kun galing sila mabuntis sa linghod nga pangedaron.

Kini mao ang gibutyag ni Dr. Darleen Stuart sa Philippine Obstetrical and Gynecological Society (POGS-Southern Mindanao) atol sa pakighinabi kaniya sa tulumanong ‘Serbisyong Straight to the Point’.

“Sa health dagha’g risk nga magcomplicate sa panganak, taas ang risgo nga magdeliver by cesarean section kung bata pa gayod kaayo siya like below 15 tapos duna poy risgo nga manganak og sayo like dili pa mature ang baby,” segun niini.


Gani giawhag karon ni Stewart ang mga batan-on ilabi na ang kababayen-an nga magtuon ingon man sabton ang physiology lakip usab ang romantic relationships.

“Ang pag-atiman sa kaugalingon maraming available dili lang sa mga direct service providers pati pod sa online, mamili lang og credible sites bahin sa health,” dugang niini.

Gani subay sa pagsaulog sa International Day of Action for Women’s Health karong Mayo 28, 2018, adunay ipahigayon ang POGS-Southern Mindanao kauban ang uban pang women’s group ug health offices nga libreng pagpanerbisyo alang sa kababainhan partikular sa atong kabatan-onan.

Sumala pa adunay libreng Pap smear-VIA, pre-natal, services for family planning, ultrasound, OB Gyne consultation, HPV ug legal services diin ginalauman nila ang gatosan ka mga kabatan-onan ang motambong.

RadyoMaN Jason Amisola

Facebook Comments