High Value Target apil ang mga parokyano niini dakpan

Handcuffs

General Santos City–Malampusong nasikop sa hiniusang pwersa sa PDEA-12 ug Police Station 2 pinaagi sa buy-bust operation ang usa ka Rey Ortiz alias Mata, 59 anyos, usa ka technician, residente sa Yu Village, Barangay Apopong, alas 2:00 ang takna sa hapon.

Napalitan ang suspek ug usa ka sachet sa gituohang shabu ug nakuha usab sa iyang posisiyon ang lain pang duha ka medium size sachet sa iligal nga droga.

Samtang na-aktohan usab nga nagpot session sa lugar nga gi-abangan sa suspek ang iyang mga parokyano nga silang Micheal Ritch Caballes, 28 anyos, laborer; Danilo Guinto, 55 anyos driver; Mariel Fernandez, kaipon sa target; ug ang mag-igsuong si Kent George Tablac, 33 anyos usa ka call center agent; ug Kevin Tablac, 38 anyos, nga taga Barangay Apopong.


Sumala pa ni Kath Abad ang tigpamaba sa PDEA-12 nga ilang gipahigayon ang operasyon human nga nakadawat ug impormasyon nga ginahimong drug den ang maong lugar.

Si Ortiz ang gikonsiderang high value target sa PDEA-12 ug nalakip usab kini sa listahan sa Inter Agency Drug Information Database sa ubang ahensya sa goberno.

Mokabat sa P102,000 .00 ang kantidad sa iligal nga droga ang nakumpiska sa awtoridad gikan sa suspect.

Sa karon gi-andam na sa otoridad ang kasong pag supak sa RA-9165 batok sa target ingon man sa mga suspect nga nadakpang nagpot session sa maong lugar.(CDS)

Facebook Comments