BACOLOD CITY – Nadakpan ang ginakabig nga high value target sang Police Station 2 sa ginpatigayon nga buy bust operation kagab-i.
Ang suspek amo si Alvin Cristales, 21 anyos sa Purok Tangigue, Brgy. 1 sa Ciudad sang Bacolod kag na-recover sa iya ang kapin 14 ka elongated sachet sang suspected shabu.
Suno sa hepe sang Police Station 2 – Chief Insp. Benedicto Villarias, nga madugay na nila nga gina-monitor si Cristales sa diin una na ini nag-sungka sa OPLAN Tokhang.
Dugang pa ni Vallarias nga nagbalik naman sa pagbaligya sang illegal nga droga si Cristales.
Ginatutukan sang suspek ang direct selling sa diin sya mismo ang direkta nga nagadul-ong sang ginapatihan shabu sa ila mga customer kon diin lakip sa iya gina-hatagan sang supply amo ang Brgy 1, 2 kag 3.
Angut sini, natalana nga iga inquest karon nga adlaw ang mga kaso batuk kay Cristales kag sa iban pa gid nga nagkaladakpan sa sunod sunod nga drug raid kag buybust nga ginpatigayon sa ciudad.
