Isa ka high value target sa banwa sang Pototan ang nadakpan sa ginlunsar nga buybust operation sang PDEA kag Provincial Drug Enforcement agency subong nga gab-i (Marso 21) sa barangay San Jose, Pototan, Iloilo.
Ginkilala ang subject nga si Rizalino Tigullo Jr., legal ang pang-edaron kag pumuluyo sang nasambit nga lugar.
Narecover sa subject ang is aka sachet sang suspected shabu nga nagabug-at sang 2 ka gramos kag ginabanta nagabili sang 13,600 pesos; isa ka cellphone kag buy bust money nga isa ka libo ka pesos.
Si Tigullo nga ginakabig High Value target sang PDEA kag miyembro sang Bolivar drug group ang yara na napriso sa Pototan Police station kag natalana pasakaan sang kaso nga paglapas sa RA 9165.
Facebook Comments
