Hinungdan sa kamatayon sa lalaking gituhoang miambak sa building sa usa ka unibersidad ning dakbayan, padayong giimbistigahan

*Padayon karong giimbistigahan sa kapolisan sa Agora Police Station kung wala bay foul play ang kamatayon sa usa ka lalaki, nga gituhoang miambak kagahapon sa buntag sa ikawalong andana nga bahin sa Engineering building sa University of Science and Technology of Southern Philippines kon U-S-T-P. *
*Matud ni PO1 Francis Michael Fortunado, ang imbistigador sa kaso sa Agora Police Station nga dili pa nila masulti kung estudyante ba, trabahante sa maong tunghaan o construction worker ang wala pa mailang lalaki. *
*Dugang pa ni PO1 Fortunado, nga nagpadayon pa ang ilang imbistigasyon sa kaso busa dili pa nila masulti kung naghikog ba ang biktima o unsa, tungod kay sa wala pa kini miambak nabiyaan pa niini ang iyang tsinelas sa ikawalong andanang bahin sa building. *
*Gisuta pa usab nila kung aduna bay nakaila sa biktima ug kung aduna ba kini problema o sakit sa panghuna-huna.*
*Gihulat pa usab nila karon ang ilang gipangayong kopya sa C-C-TV aron masayran ang kinatibuk-ang panghitabo sa wala pa nahitabo ang insidente. *
*Tungod sa maong panghitabo, giaghat karon sa U-S-T-P Chancellor ang mga estudyante ug personahe nga nakakita sa insidente, nga motambong sa debriefing session. *
*By: Kasamang Ellah Baculio*

Facebook Comments