Hinungdan sa pagkasunog sa duha ka establishemento-gisuta pa

18

General santos City–Nagpadayon sa kasamtangan ang gihimong imbistigasyon sa Bureau Of Fire Protection-Gensan sa nahitabong sunog sa duha ka mga establishementong gipangkuban sa grocery store ug karenderya sa may block 3, Barangay City Heights Gensan kagahapon sa udto.

Sumala ni Sfo2 Nelson Inong, Fire Investigator sa Bureau Of Fire Protection Gensan nga ang maong mga establishemento girentahan sa pamilyang Texon ug pamilyang Valerio.

Dihang nahitabo ang insidenti walay tawo sa maong lugar gumikan adunay giadtuan ang mga nagrenta niini.

Gibutyag usab ni Gensan City Councilor Lourdes Casabuena nga siya nakurat dihang pag agi niini sa lugar adunay baga kaayo nga aso mao nga iyang gisuta.Didto niini nakit-an nga nagkalayo na ang duha ka mga establishemento maong siya mitawag gilayon sa BFP.

Dali man nga nakarespondi ang mga bombero apan dako gihapon ang nahimong damyos sa maong sunog.

Facebook Comments