Home Construction Loan application gihisgutan

Davao City – Moabot sa 6 million pesos ang maximum nga makuha sa Home Improvement, Renovation, Construction Loan sa Pag-IBIG fund.

Kini ang gibutyag nila June Fernandez ug Romeo Abucejo sa Pag-IBIG fund Davao atol sa pakighinabi kanila ni RadyoMaN Misel Miral-Galve sa tulumanong Serbisyong Straight to the Point.

Apan sumala pa nga magdepende gihapon kini sa source of income sa miyembro ug ang kapasidad sa pagbayad sa loan.


Alang sa pag proseso sa maong loan, sumala pa nga mamahimong muadto lang sa Housing Loan division sa Pag-IBIG fund, mag fill up og form ug makig koordinar sa maong division alang sa pagsuta kung titulado ba ang balay ug yuta.

Samtang gihisgutan usab ang pag assume og balay.

Gibatbat sa Pag-IBIG fund Davao nga dili tanan barato ang pag assume og balay kaysa pagkuha og bag-ong unit tungod magdepende gihapon kini sa principal borrower.

Adunay uban nga barato apan tambag sa ahensya nga mas maayo gihapon og magkuha og bag-ong unit.

RadyoMaN Renz Barbarona

Facebook Comments