“Honesty Store” ginlunsar sang LGU Tampakan para buligan ang mga mangunguma sa banwa, una nga adlaw maayo suno pa ang resulta.

Maayo ang resulta sang una nga adlaw sang ginapatuman nga “Honesty store” sang local government unit sang Tampakan tungod nangin :honest” gid man ang mga bumalakal base sa ila nga assessment, suno kay Tampakan kay Mayor Leonard Escobillo.
Ginpahayag ni Mayor Escobillo nga ang Honesty Store sa banwa ang kada Lunes, Miyerkules kag Biyernes nga adlaw para sa mga residente sang Tampakan.
Nahibaluan nga pagbulig sa mga mangunguma sa banwa sang Tampakan ang katuyuan sang nasambit nga inisyatibo.
Suno kay Mayor Escobillo ginabakal sang LGU ang produkto sang mga mangunguma kag idisplay sa plaza sa banwa nga kon pila ang bakal sa ginkuhaan amo man ang presyo sa Honesty Store.
Ginsiguro man sang alkalde nga istrikto nga ginapatuman ang minimum health standard sa ginapatigayon nga Honesty Store.
Gintawag nga Honesty store ang nasambit nga inisyatibo sang LGU tungod wala sang tindera nga nagabantay kundi ang manugbakal ang magbutang sang ila nga bayad kag magkuha sang sensilyo sa payment drop box.

Facebook Comments