Wala pay nakitang hotspots o areas of concern ang Commission on Election o COMELEC dinhi sa rehiyon 10 sa umaabot nga SK ug Barangay Election.
Kini mao’y gikunpirma ni COMELEC 10 Regional Director Atty. Renato Magbutay human padayon paman ang matag karon ug unya nga conference sa mga sakop sa kapulisan ug kasundalohan.
Matud ni Magbutay, posibleng sa unang semana o kaha sa pagsugod na sa election period ma identify na sa kapulisan ug kasundalohan kun asa nga lugar ang ilang tutukan tungod sa posibleng kagubot ug uban pa.
Gibutyag ni Magbutay nga kinahanglang masayran nila ang mga areas of concern aron dali nila kining mapabantayan ug dili mabalda ang umaabot nga pili-ay sa barangay.
