General Santos City–Mohatag ug konsiderasyon ang buhatan sa Highway Patrol Group (HPG) Gensan ngadto sa mga motoristang mogamit ug temporaryo kon ordinaryo lamang nga barrier sa motorsiklo tungod dili pa available sa karon ang standard nga barrier nga maoy ipatuman sa gobyerno alayon sa pagtuman sa kamanduan nga social distancing.
Kini isip konsederasyon alang sa mga motoristang dili pa makapalit sa gipa-comply nga barrier sa gobyerno.
Sumala ni Police Captain Elmo Flores, sa HPG-12, Gensan Team nga sa karon nagsugod na sila sa pagpanakop sa mga makalapas sa maong balaod ug gani ubay ubay na ang ilang mga nadakpan.
Gikumperma usab ni Police Capt. Flores nga sa karon base sa ilang record matag adlaw dili moubos sa 30 ka mga tawo ang ilang maisyuhan ug citation ticket.
Nasayran nga gisugdan na sa HPG ang pagsita sa mga motoristang may angkas nga walay barrier o walay babag sa tunga tunga sa driver ug sa angkas.
Giklaro usab ni Flores nga bisan paman ilang ginakumpiska ang lisensya sa mga madakpan, wala kini bayolasyon sa trapiko inay nakalapas lang kini sa gipatumang social distancing mao nga dili mobayad ang mga nakalapas sa city Treasurerās office.
