Indi na makilala ang itsura sang bangkay nga nasapwan kaina sang hapon sa pangpang sang sapa sa barangay, Jalaud, Zarraga , Iloilo.
Ginpahayag ni Police Inspector Roy Castro, hepe sang Zarraga PNP nga yara na sa advance state of decomposition ang bangkay nga wala sang panapot sa lawas sang makit-an mga ala -una kaina sang hapon ni Benezer Castillo samtang nagapanguha sang puso sang saging.
Ginabanta nga mga tatlo tubtub apat ka adlaw na nga patay ang nasambit nga bangkay nga nagataas sang 5’4 to 5’6. mga 40-60 anyos ang pang-edaron, indi kumpleto ang ngipon sini kag may mga puti na ang bigote.
Suno Kay Police Inspector Castro nga wala pa sang may nagreport sa ila nga may nadulaan nga himata.
Sa karon yara na sa Baylon Funeral homes sa banwa sang Zarraga ang nasambit nga bangkay.
