Hubog naaksidente sa motor sa Bago

BAGO CITY, NEGROS OCCIDENTAL – Nag-angkon sang pilas sa ulo ang isa ka soltero nga hubog matapos naaksidente ang motor nga iya ginamaneho sini gid lamang nga kaagahon sa Bago City.

Ginkilala ang biktima na si Custodio Condino, 25 anyos ang edad, pumuluyo sang Brgy. Sagasa, ciudad sang Bago. Ang insidente natabo pasado las dose sini gid lamang nga kaagahon sa amo nga lugar.

Suno sa abyan sang biktima nga bisan nga hubog sa gihapon nagmaneho sang iya motorsiklo ang biktima kag bangud nga madanlog, aksidente nga nagslide kag natumba ang motor.


Head injury kag bagras sa sa kamot ang naangkon sang biktima nga dali-dali naman gindala sa Corazon Locsin Montelibano Memorial Regional Hospital./dyHB BACOLOD

Facebook Comments