Roxas City, Capiz – Patay ang isa ka persona matapos nga aksidente nga natumba ang ginasakyan sini nga motorsiklo sa dalan malapit sa Blue Chips Builders Incorporated, Pueblo de Panay alas 10:10 sang gab-i. Ginkilala ang biktima kay Elmo Gardose y Gevero, 43- anyos ang pang-edaron sang banwa sang Tapaz nga gin-anunsyar nga ginbawian sang kabuhi samtang ginabulong sa Capiz Doctors Hospital. Suno imbestigasyon sang kapulisan sa Roxas City PNP, sakay ang biktima sa Mio 125 nga motorsiklo kag ginasubay ang porsyon sang dalan apang wala sini makontrol ang manibela kag aksidente nga nagtalang ang goma sa batuhon nga porsyon kabangdanan sang pagkatumba sini. Nag-angkon sang patal nga pilas sa natuo nga porsyon sang agatang ang amu nga biktima. Ginapatihan nga ini ang yara sa impluwensya sang makahulobog nga ilimnon samtang nagamaneho sang motorsiklo.
