Hubog nahulog sa bangin-angol

General Santos City—Anaa sa talandugong kahimtang ang 23 anyos nga lalaki human kining nahagbong sa bangin human nga nadakin-as sa may Barangay Batu Laki, Glan, Sarangani Province.

Subay sa pahayag sa igsuon sa biktima nga alas 5:00 ang takna sa hapon dihang nag inum matud pa ang iyang manghod didto sa ilang lugar, nangihi kini daplin sa dalan apan nadakin-as nga hinungdan sa pagkahulog niini sa bangin nga bahin.

Gumikan sa kataas sa bangin, daghang samad sa nagkandaiyang parti sa kalawasan hilabi na sa iyang likod ang naangkon sa nasangpit.


Giangkon sa magulang sa biktima nga nakainum ang iyang manghod dihang nahitabo ang insidenti.

Facebook Comments