General Santos City—sa Dr. Jorge Royeca Hospital na nahuwasan ang usa ka lalaking hubog human nga nahulog sa gisakyan niining Traysikad sa may Diversion Road, Barangay Conel, Gensan.
Biktima giilang si Jhun-jhun Cabaluna, 30, residenti sa Naval, Subd., Barangay Lagao, Gensan.
Subay sa inisyal nga imbistigasyon sa kapulisan nasuta nga alas 10:30 ang takna kagabie dihang gikan sa inum ang nasangpit uban sa iyang mga amigo ug pauli na unta sa ilang panimalay dihang aksidenti kining nahulog sa sikad nga iyang gisakyan gumikan sa hilabihan ka hubog.
Nakaangkon ug samad sa iyang ulo ingon man sa iyang kamot ang nasangpit nga biktima mao nga gidala kini gilayon sa ospital.
Sa karon nagpaalim nalang sa iyang mga samad nga naangkon ang biktima sa Dr. Jorge Royeca Hospital.
