General Santos City—bali ug mga samad sa nagkandaiyang parti sa kalawasan ang naangkon sa usa ka 29 anyos nga lalaki human kini natagak sa gisakyang dump truck gumikan sa kahubog sa may Prk. Pag-asa, Alabel, Sarangani Province.
Ang biktima nailhang si Arnolfo Tan, 22, residenti sa Prk. Acharon, Barangay Labangal ning syudad.
Subay sa pahayag sa igsuon sa biktima, alas 6:00 ang takna sa gabie dihang miakay sila sa dump truck nga dunay kargang sinakong bugas gikan sa Barangay Poblacion , padulong unta sa Prk. Pag-asa alabel.
Wala pa kaabot ang mga nahisgutan sa ilang padulngan, kalit lang kining natagak hinungdan nga nakaangkon ug mga samad, bali ug bun-og sa kalawasan.
Gilayon usab kining gidala sa Dr. Jorge Royeca Hospital sa syudad sa General Santos aron mapailawom sa medikasyon.
Dugang pahayag sa igsuon sa biktima nga wala gyud sya nasayud nga hubog ang iyang igsuon dihang misakay sa Dump truck nga miresulta sa pagkahagbong niini.
Sa karon ang biktima nag naalim nalang sa iyang mga samad ug bali sa balay tambalanan. Luwas na usab kini sa kuyaw nga kahimtang.
