Hugot nga Quarantine Status ipatuman sa lungsod sa Aurora sugod ugmang adlawa

20

Aurora, Zamboanga del Sur – Ipatuman na sugod ugmang adlawa Septembre 16 hangtud petsa 30 ang hugot nga quarantine status sa lungsod sa Aurora subay sa gipagula nga Executive Order No. 28-2021 pinaagi ni Mayor Boen Dorotheo Cabahug.
Nadesisyonan sa LGU-Aurora nga ipailalom sa Modified Enhanced Community Quarantine ang lungsod sulod sa 15 ka adlaw aron mapakgang ang pagkatag sa makatakod nga virus.
Gumikan niini limitado na usab ang lihok sa mga residente sa Aurora gani subli na usab silang nagamit og Working Pass alang sa mga trabahante ug usa lang ka sakop sa panimalay ang gitugutan nga makagawas aron pagpalit sa mga gikinahangalan gawas nalang kun dunay emerhensiya.
Sirad-an na usab ang Entertainmaint Venues sama sa karaoke bars ug uban pang susama nga establesyemento lakip na ang gikalingawan unta nga internet cafes. Billiar halls ug uban pa apil na ang mga parks.
Sa tricycle tulo lang ka pasahero ang gitugut samtang sa natad sa Bao-Bao gitugutan nga makakarga og duha ka pasahero apan ang Habal-Habal usa lang gyud ang gitugot base sa mando ehekutibo.
Aduna usay mga schedule og gikatakda nga adlaw ang gitugot alang sa mga mo-adto sa mercado publiko nga gitakda depende sa adlaw nga gitugot sa matag- Barangay ug ipatuman usab nila ang No Movement Day atol sa adlaw nga Domingo.




Facebook Comments