Hugot nga siguridad sa syudad padayong ginapatuman sa syudad

General Santos City–Nagpadayon ang hugot nga siguridad nga ginapatuman karon sa General Santos City Police Office sa kinatibuk-ang syudad sa Gensan aron nga masiguro nga dili malutsan ug dautang elemento hilabi na karong mga panahona nga nagkaduol ang kalilangan festival sa syudad.

Sumala pa ni PSSUPT Raul Supiter ang City Director Sa General Santos City Police Office nga ila gihapong ginapatuman ang no ID no Entry sa syudad apan gihimo nila kini nga mas maayo nga approach sa mga musolod sa Gensan hilabi na sa mga commuters ug ilang ginapasabot kung nganong ginabuhat kini.

Sa mga naka sakay sa ilang mga pribadong sakyanan gikinahanglan gayud nga inaug nila ang ilahang bintana ug mu tan-aw sa CCTV aron nga madokumento sa GSCPO ang tanang naga sulod sa syudad.


Sa karon wala pa nakadawat ug impormasyon si Supiter kabahin na sa reklamo sa ilang ginapahigayon nga hugot nga siguridad ug nagtuo nga nakasabot ang katawhan sa ilang ginahimo. (Dave Silagan)

Facebook Comments