Human nagpositibo sa Covid-19, Mayor Sumbo nagpakita og kalambuan sa kahimtang sa panglawas

22

Malapatan, Sarangani Province–Hinay-hinay na nga nagalambo ang kahimtang sa panglawas ni Malapatan Mayor Jun Sumbo samtang anaa sa usa ka pribadong ospital dinhi sa Gensan.
Kini ang nahimong pamahayag ni Malapatan Municipal Administrator Mayet Suib atul sa interview sa RMN Gensan News Team.
Kini human nagpositibo sa Covid 19 virus ang nasampit nga Mayor human migawas ang resulta sa swab test niini.
Sumala ni Administrator Suib nga kasamtangan pang naka confine sa usa ka pribadong ospital sa Gensan si Mayor Jun Sumbo tungod sa mga simtomas nga gibati niini mugna sa virus.
Apan sa ilang ulahing monitoring sa panglawas sa Mayor nagpakita matud pa kini og mga ilhanan nga adunay kalamboan ang panglawas niini.
Kahibaluan nga sa Malapatan adunay mga kaubanang opisyal si Mayor Sumbo nga nakahimamat niini ang kasamtangang gipailawom sa quarantine.(JB)

Facebook Comments