HUNGOD NGA GINPATAY?| Iloy sang OFW nga ginapahayag naghikog sa Saudi, nagapati nga may foul ang kamatayon sang iya anak

82

Nagapati ang iloy Reymar Docdocil , 36 anyos sang Brgy. Capaliza, Dumangas, ang OFW nga ginapahayag naghikog sa Saudi sang nagligad nga Dominggo, Pebrero 10 nga may foul play ang kamatayon sang iya anak.

Suno sa iloy sang biktima nga si Margie Docdocil, nag video call pa ang iya anak sang Biyernes , Pebrero 10 kag nagsiling pa sa iya 10 ka tuig nga anak nga malapit na lang siya makapauli.

Apang las 3:30 kahapon, Pebrero 11, ginkakibot sang pamilya ang balita nga patay na ang ila anak matapos naghikog sang Dominggo, Pebrero 10.

Suno kay Margie, antes ang insidente, napreso ang iya anak matapos gin-set up sang iya man kaupdanan nga mga Pinoy kag ginpasibangdan nga may droga.

Apang bangud wala sang may nakuha ang mga otoridad, nakagwa man ini dayon.

Sa karon, nagapanawagan sang bulig sa gobyerno ang pamilya agud maproseso ang mga dokumento kag madala pauli sa Pilipinas ang bangkay ni Reymar.

Si Reymar Docdocil ang duha ka tuig na nga nagatrabaho sa Saudi bilang family driver.

May Duha ka mga kabataan ang biktima , 10 ka tuig ang kamagulangan kag apat ka tuig ang manghod.

Facebook Comments