HUSTISYA | Lubong sang nagtaliwan nga Scout Ranger, ginkalkal matapos nga ginpabay-an sang asawa ang balayran sa panteón(lulobngan); Hustisya, singgitan sang pamilya!

Roxas City, Capiz- Nagpabutyag sang ila nga hibubun-ot kag kaakig sang buot ang pamilya sang napatay nga katapo sang Scout Ranger sa asawa sini matapos nga iya ginpabay-an ang lubong sang napatay nga bana kabangdanan nga ginpakalkal sang pamunoan sang sementeryo sa Dingle ang lubong sini.
Ini bangud sa kapaslawan nga magbayad sang asawa nga si Nischelle Cerbo Despair sang tuigan nga balayran sang lubong ni Cpl. Daniel Despair sa pihak nga ini ang nagabaton sang pension sang nagtaliwan nga bana.
Nangin emosyonal ang mga ini sang ginbisitahan ang sementeryo sa Dingle sang nakaligad nga Nobyembre 2, 2018 kag nadiskubrehan nga ginkalkal ang lubong sang ila himata.
Nahibaluan nga tuig-2009 pa sang napatay si Cpl. Daniel Despair kag kapin sa P2, 500 pesos lamang ang ginabayran kada tuig para sa lulobngan sini.
Samtang sa subong ang iya nga asawa ang may yara naman sang bana kag may bata na.
Panawagan subong sang pamilya Despair nga mahatagan sang hustisya ang ginhimo kag nadangatan sang ila minatay ilabi pa nga ini ang nagserbe sa AFP kag sa pungsod Pilipinas.
Matapos nga makuha sang pamilya ang tul-an sang ila minatay, ila na ini nga gindala sa ila lugar sa banwa sang Tapaz agud nga mahatagan sang nagakaigo nga lubong, bendisyon kag kapahuwayan nga dayon.

Facebook Comments