ZAMBOANGA CITY— Tres maga menor de edad ya guinda na ospital despues ya man tiaguis canila el un ICER truck na Sitio Taloptop, Vitali enantes aga.
El portavoz del PRO9 ya habla el incidente ya sosede banda alas 6:30 del aga donde el Isuzu Forward fish carrier truck ta maneha si Mark Omo y Ampoon quien aquel timepo ya puede dormi mientras na manibela ya hace sunggap conel maga menor de edad quien aquel tiempo ta camina na calsada pa andada na escuela.
El tsuper del truck ta alega ya puede le dormi amediante del manehada si porque nohay le puede controla conel manibela y ya man tiaguis conel maga victima.
Porcausa bien corre el truck, ya cae este na canto del calsada y ya man balsicat.
Conel maga victima ya lleva na ospital mientras el tsuper ta esta ya baho na costodia del pulis del Vitali POlice Station. — Dan Toribio
