ILOILO City – Ginpaslig ni Iloilo City Police Office (ICPO) director SSupt. Martin Defensor nga ginatahod sang kapulisan ang pagkabalaan sang kabuhi.
Suno sa opisyal bilang isa ka kristyano, ginahatagan niya sang balor ang kabuhi sang tawo.
Ini ang pasalig ni Defensor matapos nagpahayag sang kabalaka ang mga katapo sang city council sa nagakapatay nga subjects sang buybust kag police operations.
Pabugal pa sang opisyal, sa anum ka adlaw nga operation sang kapulisan, lunsay buhi ang mga subjects.
Nagpasalig man si Defensor nga padayunon niya kag i-improve pa ang pinangabudlayan ni anay ICPO Director SSput. Henry Biñas agud napadayun ang pagnubo sang krimen sa syudad kag mapasanyog ang kalinong kag katawhay sang iya nasakupan.
Photo via Pulis Serbisyo Publiko/FB
