BACOLOD CITY – Ido nga nagkaon sang sud-an sang kaingud, ginpa-ihaw kag ginpasumsuman sa mga naga-inom.
Akig nga nagpadulong sa Police Station 1 si Maila Cabalo, 22 anyos ang edad pumuluyo sang Brgy. 16, Bacolod City agud ireklamo ang iya sini kaingud balay nga si Delila Apostol, pumuluyo sang amo nga lugar.
Ini matapos nga pasado las 12 kahapon sang udto, nahibaluan ni Maila nga ginsugo ni Delia ang mga lalaki nga naga inom nga ihawon ang hinuptan nga ido ni Maila kag ginpasumsuman sa ila.
Suno kay Maila nga sang iya gin confront si Delia kag ginpamangkot kon ngaa ginpa-ihaw gid ang iya ido, ginsabat siya sini nga ginpasumsuman niya ang ido kay ginkaon gali sini ang iya sud-an.
Ginpahayag ni Maila nga ang ini nga hitabo nagtuga sa iya sang pagka dismaya, pagkasubo kag stress.
KON IKAW PAHAMBALON. KON NATABO MAN INI SA IMO NGA SUD-AN, IPAIHAW MO MAN BALA ANG IDO SANG IMO TUPAD BALAY?
