iFM Comfort Room : Managsuon si EX ug PRESENT Girlfriend

IFM COMFORT ROOM,
Tagua lang ko sa pangalan nga Arvin.
Kining akong sugilanon, kabahin ni sa akong kaipon karun ug sa iyang igsoon nga pirmi man nakong makasumpaki.

Mag- usa pa lang mi ka tuig nag-uban diri sa panimalay sa akong uyab. Nganlan lang natu ug Princess iyang igsoon.

Sa ilaha man mi nag-ipon idol Maikee Gol. Naningkamot lage ko nga makatigum karun kay gusto nakong muhawa diri, kung pwede pa lang siguro nga didto nalang mis amuang probinsya mamuyo, kung wala lang sad unta ko nawili sa akong trabaho diri sa syudad.


Nagkaila mi sa akong uyab ngari man sa akong gitrabahuan. Wala ko magtuo IFM COMFORT ROOM nga sa tanan nga akong makaila, ang igsuon pa jud sa akong ex. Sa tinood, ex nako si Princess. Pero wala ko makaila sa iyang pamilya kay nag-ipon sad mi ni Princess sa katu pa mang naglayas na siyas ilaha. Dako man ni siyag kalagot sa iyang pamilya. Iyaha jud kining gidumtan. Maldita jud ni siya nga pagkababay daan, maong wala na bitaw nako siya naantos sa katung nag-ipon pa mi. Bali kaayo silag batasan sa iyang manghod nga uyab nako karun.

Dako kaayo nig baba ang akong ex sa uyab pa mi, tanang butang iyang butangan ug meaning, hangtod nga mangwenta nana siya nga mura ganig siya lang ang nanarbaho nga sa tinood lang, gasige naman lang gani na siyag balhin balhin ug trabaho kay walay katagbawan sa sweldo, unya tanang kwarta namu mahurot sa iyang mga pangarte.

Ang ako lang, gikan sa sinugdanan nga napugos kog puyo diri sa ilaha, imbis nga normal untang mag-away mi sa ako untang uyab, ang akong makontra, kani naman lang nuon akong ex. Sama atung nawad-an ug agas ug tubig, naa miy baril nga akong gipuno ug tubig daan. Si Princess ang nigamit ug sa dihang nahurot na, siya pay nasuko nga wala nay magamit. Mutabang tabang man ko nila pero dili ko nila suluguon. Nagyawyaw pa nga nanigurado lang daw kog amua.

Sa katu sang higayon nga gibirtdeyhan nako akong uyab, pwerte niyang sukua nga nagdala ko sa akong mga kauban sa trabahu ug nagtagay sa ilaha. Giingnan pa ko nga dili daw tu amua, wala man sad ko nangangkon nga amua ang amung gipuy-an.
Dili kabadlung ilang ginikanan. ngara naliwat akong uyab, dili ra sad musukol, muhilak rag maminaw, pero ako, kaila nakos batasan ni Princess, ako jud nga suklan.

Naa tuy usa ka higayon nga nahubog na si Princess, walay laing naka agak niya, maong ako maoy nipahimutang niyas pag-uli sa balay. Atung higayuna, nitug-an siyas kamatuoran kung nganung init kaayo siyag dugo nako. Wala pa diay siya kamove on gikan sa amung panagbuwag. Wala pa diay siya kamove on nganung sa tanang akong makarelasyon, nganung iya pa man jud nga manghud. Nitug-an siyang inlove pa diay siya nako.

Ngari natapos ang akong sugilanon ug mangayo ko sa inyong mga tambag.

Panahon na ba nga muhawa nalang ko sa ilaha arun nga dili na masakitan pa si Princess? Arun dili na sad ko makapasakit sa akong uyab kay pirmi lang nakong masuklan iyang igsoon ? Ug arun pod nga magmalinawn na ang pagpuyo sa ilahang pamilya?

Magpaabot ko sa inyong mga tambag.
Daghang salamat iFM Comfort Room.

Ang nagpadala,
Arvin
*** Gusto ba kang makadungog sa mga tambag para sa atung letter sender ? Paminaw lang sa programang iFM Comfort Room kauban inyong DJ Maikee Gol (FB: Maikee Gol Ifmcebu) matag 1-3PM (Mondays-Saturdays). Please also visit our official Facebook Fanpage www.facebook.com/ifmcebuofficial/
Para sa mga gustong mamahimong letter sender , share your stories sa ifmcomfortroom@gmail.com
Daghang salamat. Sa sunod na pod nga sugilanon, idol !

 

Facebook Comments