Igacos LGU moapelar nga ibalik sila sa MGCQ, turismo labing naapektuhan na

30

Davao City – Planong moapelar pag-usab ang Local Government Unit (LGU) sa Island Garden City of Samal (IGaCoS) alang sa ilang quarantine status.

Kini human nga gipabilin gihapon sa General Community Quarantine (GCQ) ang Davao del Norte, ug ang syudad sa Davao sa entero bulan sa Pebrero 2021.


Sa interbyu sa DXDC RMN Davao kang IGaCoS Mayor Al David Uy, gibutyag niini nga labing naapektuhan ang turismo sa Samal ilawom sa GCQ diin walay gitugot ang tourism ug leisure activities, rason nga sa milabayng duha ka semana, nagpadala sila og sulat sa National Inter-Agency Task Force (IATF) nga ipailawom sa Modified GCQ ang syudad apan wala kini giaprubahan.

“So, I guess kadtong gipadala namo didto (sa National IATF) na sulat, requesting for a reconsideration, I think mute and academic nato, mura’g wala nato siya kay mao na man ni ang latest nga nigawas. But we will try again na hopefully na mag-appeal, mag apelar napud,” segun ni Uy.

Matud sa Alkalde, samtang apektado ang mga trabahante sa turismo, mitunol og ayuda ang lokal nga panggamhanan ug pagpasulod sa nahisgutan sa programa sa Department of Labor and Employment (DOLE) pinaagi sa TUPAD program (Tulong Panghanap-Buhay sa Disadvantaged/Displaced Workers).

RadyoMaN Kirby Manzon




Facebook Comments