IGaCoS: Samal trip likayan usa atol sa ‘Ironman’

Davao City – Kung mamahimo planuhon ug dili itunong atol sa lumba sa Alveo Ironman 70.3 Davao karong Marso 25 adlawng Dominggo ang pagbyahe patabok Davao City o IGACOS. Sumala ni Samal Tourism Officer Jenifer Cariaga nga ilang giabisuhan ang publiko nga aron dili nalang maapektuhan sa kalangan atol sa adlaw sa lumba mamahimong mubyahe og sayo o inig human nalamang sa maong aktibidad. “We discourage our fellow Samaleños from going to Davao City at the time the roads will be closed. For our tourists, they can come to Samal via Sta Ana Wharf to Kaputian or Talikud Island,” sumala ni Cariaga. Gilaraw nila karon ni Cariaga nga makigkoordinar sila sa Eastern Mindanao Command aron matabangan sila kung adunay mga mahitabong emerhensiya. “Ang problema namo is kung naay emergency especially medical emergency kay maglisud gyod mi ug transport. Pero magsulat mi sa Eastmincom to provide us stand by chopper para naay magamit kung need kaayo ang medical assistance,” sumala ni Cariaga. Nagpahigayon og conference meeting ang LGU Samal uban si IGACOS Mayor Al David Uy ug ang Philippine Coastguard Davao kung unsa pay gikinahanglang ayuhon aron matubag pa ang mga concerns sa publiko kinsa labing maapektuhan. RadyoMaN Aimee Guinita tags: dxdc 621 davao

Facebook Comments