Igsoon sa Kapitaan ug duha ka trabahante sa Barangay Cugman, gisikop sa CIDG 10

653

Gisikop sa mga personahe sa Criminal Investigation and Detection Group o CIDG 10, anti-cyber crime group ug Police Station 4 Carmen ang igsoon sa kapitan ug duha ka trabahante sa Barangay Cugman pinaagi sa warrant of arrest.

 

Ang mga dinakpan mao silang Venus Bagabaldo, igsoon ni Kapitan Gwendolyn Escobia sa Barangay Cugman, Johnquit Neri, Executive Secretary ni Kapitan Escobia ug Romeo Linasan, head maintenance sa Barangay Cugman.


 

Sila gisikop pinaagi sa warrant of arrest sa kasong libel in relation to Republic ACT 10175 nga pinitsahan niadtong Enero 2, 2020 ug pinirmahan ni Hon. Judge Dennis Alcantar, Presiding Judge sa RTC branch 18 nga adunay bailbond recommended nga tag 48-mil pesos ang matag usa kanila.

 

Nasayran nga ang complainant mao Barangay Cugman Kagawad Elmer Cotiamco.

 

Matud ni Patrolman Arvie Rivera sa CIDG Regional Special Operation Troops sa Camp Evangelista ning dakbayan nga boluntaryong misurender ang tulo ka dinakpan diha sa RTC Branch 18 ug mopiyansa sa nasangpit na nga bailbond apan wala napirmahan sa huwis ang mga release order tungod kay alas singko na sa hapon ug tungod sa maong warrant ila nalang una kining gidala sa CIDG ug temporaryong gikustudiya ug gilaumang makagawas ra karon adlaw kung mapirmahan na sa huwis ang ilang mga release order.

 

Facebook Comments