Igsoong babaye sa cybersex suspect gibugaw usab

16

Davao City – Nalakip ang iyaan nga dalaga sa menor de edad nga biktima kansang gibugaw sa inahan nga maghubo sa online cam ngadto sa mga langyaw bugti sa dakong kantidad.

Ang biktima 18 anyos, dalagang igsuon sa inahan nga suspitsado kansang mibugaw sa duruha ngadto sa mga langyaw nga mahilig sa nude online cam show.

Una niini gisikop ang suspek nga inahan nga si alyas Leah, 27 anyos didto sa ilang panimalay sa Maligaya Village Catalunan Pequeno sa mga sakop sa Women and Children Protection Desk sa Talomo Police Station pasado alas 11:00 sa kabuntagon human makumpirmar sa intellegence section ang gihimo niini sa iyang anak nga babaye diin nagpangidaron og 10 anyos pa lamang.

Kasong kalapasan sa R.A 7610 Child Abuse Law, RA 10364 Anti Trafficking in Persons Act, R A 10105 Cybercrime Prevention Act ug 9775 Anti Child Pornography Act ang ipasaka sa WCPD sa City Prosecutors Office.

Sa kasamatangan ang biktimang menor de edad gikustodiya na karon sa DSWD samtang ang suspek posibleng dili na makagawas sa prisohan tungod kay non bailable ang iyang mga kasong atubangon.

RadyoMaN Erin Lumosbog

Facebook Comments