Igsuon ni Mayor Maulanan, gidayeg ang kapulisan sa Gensan human ang raid sa ilahang balay

General santos City— Pulitika ang gitudlong motibo ni Zahara Maulana, igsuon ni Palimbang Mayor Abubakar Maulana ug City Administrator sa munisipyo sa Palimbang sa gihimong pagronda sa ilahang panimalay sa may Brgy. Kulong-kulong, palimbang sa milabay’ng adaw.

Sumala niya nga nasayud na sila kung si kinsa ang nagpaluyo sa maong operasyon nga ginagamit matud pa ang gahum ug impluwensya aron nga dauton ang ilahang pangalan.

Samtang iyahang gidayeg ang kapulisan sa dakbayan sa Gensan sa hapsay ug malinawon nga pagronda sa ilahang panimalay sa may las Villas Subdivison, sakop sa brgy. City heights ning dakbayan.


Pamahayag niya nga kung itandi sa kapulisan sa Sultan Kudarat Police Provincial Office, layo ra kaayo gumikan iyahang gitawag nga mga bastos ang mga nahisgutan gumikan saw ala pagrespeto kanila.

Sa karon matud pa, nakaginhawa na sila human nga mag-negatibo sa unsa mang illegal nga paghupot ug armas ingon man eksplosibo nga maoy akusasyon ngadto ni Palimbang Mayor Abubakar Maulana.

Facebook Comments