General Santos City—Gibutyag ni Liza Onding, igsuon ni Fighting Sen. Manny Pacman Pacquiao nga dugukon lang gihapon sa katawhan sa tibuok kalibutan ang away ni Pacman gumikan kay iyang nakita nga wala man gihapoy kausaban ang lihok sa iyang igsuon, anaa pa gihapon ang kapaspason, ang kakusog sa kumo bisan pa man nga anaa na sa 40 ang edad sa iyang manghod.
Saysay usab ni Liza Onding nga dili siya makasiguro nga mapatumba ni Manny si Thurman gumikan kay gawas nga batan-on dako pod nga boksidor apan gipaniguro niini nga modaug ang iyang igsoon gumikan kay lamang si Manny sa experience, ug sa abilidad batok kang Thurman.
Mihatag man usab ug mensahe si Onding kang Manny nga dili unta kini mag kumpiyansa sa away nilang Thurman aron dili kini madaya ug kung pwede sa unang round pa lang patilawon na ni Pacman sa iyang kapaspason ug sa kakusog sa kumo ang iyang kalaban aron mawala na ang kahambog ni Thurman. (Reynald Timario)
