IHAP SA KASO SA COVID 19 SA GENSAN, GILAUMANG MAS MUTAAS PA

43

General Santos City– Gilauman ng daan sa lokal nga panggamhanan sa dakbayan nga madugangan pa ang ihap sa kaso sa Covid-19 gumikan sa padayong pag-abot sa mga Locally Stranded Individual ug mga ROF.

Sumala mi Atty. Arnel Zapatos, City Administrator sa Gensan, nga adunay 110 nga mga LSI nga taga-Gensan ang natakdang mu-abot ug kung basehan ang naunang 105 nga gibutang sa barangay , 15 niini ang nagpositibo. Rason nga ilahang gilauman nga mutaas pa ang ihap sa kaso sa covid sa Gensan.


Dugang ni Zapatos, kung makit-an matud pa ang sitwasyon sa mga LSI sa kauluhan, dili gyud maayo ang sitwasyon kanila ug dili imposible nga aduna silay virus nga dala pag-abot sa Gensan. Higayon nga dili na kayanon sa kapasidad sa syudad ang pag-cater sa mga LSI ug ROF, muhunong usab sila sa pagdawat.

Kini matud pa ang lakip sa regulasyon sa IATF ug kini ang ilahang gihuptan ug ginatuman. Unang gitugutan sa IATF nga maghimo ug regulasyon ang mga LGU hilabina sa pagbatok sa covid. Sa karon, ilaha gyud gihingusgan nga dili dawaton ang mga LSI nga walay negatibong resulta sa RT-PCR test gumikan ilahang ginapaningkamutan nga walay matala nga local transmission tungod dili nila gustong maglockdown pag-usab ang syudad tungod daghan ang mamahimong epekto niini. (LVR)

Facebook Comments