Nagkadaghan karon ang ihap sa mga adunay sakit nga High Blood dinhi sa dakbayan sa Iligan.
Subay kini sa talaan sa City Health Office hinungdan nga gi-abisohan silang adunay mga High Blood sa pagpa-enroll sa Hypertensive Group sa maong buhatan.
Kini aron prayoridad sila nga mahatagan ug libreng tambal o maintenance ug ma monitor usab pirmi ang ilang mga blood pressure.
Matud ni City Health Officer Dra. Cherlina Canaveral nga dili kumpyansa-an ang High Blood tungod daghan nang namatay gumikan sa maong balati-an.
Sumala ni Canaveral aron paglikay sa High Blood kinahanglan likayan ang pagkaon sa mga fatty foods, mga pagkaong mantikaon, parat, tam-is, sobrang pagkakapoy kun stress.
Dugang pa, kinahanglan usab ang saktong tulog ug ang pag-ehersisyo.
