Ihap sa mga na contact-trace sa LGU bahin sa LSI nga nag-bar ug mitambong ug party mokabat na sa 157!

General Santos City– Mokabat na sa 157 ka tao ang na-contact trace sa LGU Gensan nga nakahimamat sa usa ka locally stranded individual LSI nga nagpositibo sa covid 19.
Sumala kang Atty. Arnel Zapatos, City Administrator ning dakbayan nga ang maong ihap hangtud sa 4th level contact tracing nga gihimo apan ang anaa lang sa 60 ang may direktang exposure sa nahisgutan ug siyam niini ang iyahang naka-uban sulod sa tulo ka adlaw.
Sa karon, nagapabiling walay simtomas sa covid 19 ang 157 nga mga indibidwal samtang ang LSI ang padayong gina-monitor ug ana sa isolation facility tungod nagpabilin kining asymptomatic.
Samtang gibutyag ni Atty. Zapatos nga mi-abot na sa Gensan ang gilaumang mga LSI nga anaa sa 110 apan 92 lang ang mi-abot, sama sa naunang 159 nga gilauman apan 105 ang ni-abot.
Sa karon ang 92 ang anaa sa Cahilsot 2 Elementary School kung asa ilahang gihangyo ang DEPED nga temporaryong ipagamit ang maong tunghaan para sa mga LSI.
Kini gumikan dili matud pa pwedeng isagol sa Cahilsot 1 ang mga nasangpit tungod ginahulat nalang ang resulta sa swab test sa mga naunang LSI sa Gensan.(LVR)

Facebook Comments