Roxas City, Capiz – Ginbaton na sang probinsya sang Capiz ang ika-35 nga batch sang COVID-19 vaccine.
Ini ang alokasyon sang gobierno nasyonal para sa probinsya sang Capiz nga ginpaagi sa Department of Health(DOH) kag ginbaton sang Capiz Provincial Health Office(PHO).
Ang panibag-o nga alokasyon sang bakuna ang ginalakipan sang 20,160 doses sang AstraZeneca vaccine nga gin-donar sang German government via COVAX facility.
Ini naman ang igapartinisir para sa mga subgroups populations nga ginalakipan sang A1 ukon nabilin nga Frontline Health Workers; A2 ukon Senior Citizens; A3 ukon Adults with Co-morbidities kag A5 ukon Poor Population sa probinsya.
Samtang ang Capiz PHO Covid-19 Vaccination Team amu naman ang gintugyanan nga mag-facilitate sang alokasyon sang nasambitan nga bakuna sa tanan nga Local Government Units(LGUs).
📷 – PHO
