Ikaduha nga SAP indi na mabaton sang benepisyaryo kun madayon ang GCQ sa Negros Occidental

96

Indi na makabaton sang ikaduha nga tranche sang Social Amelioration Program (SAP) ang mga Negrense kun madayon ang pagpatuman sang General Community Quarantine (GCQ) sa bug-os nga Negros Occidental matapos ang Abril 30.

Ini suno kay Gov. Eugenio Jose Lacson, kasunod sang rekomendasyon sang Inter-Agency Task Force for the Management of Emerging Infectious Diseases (IATF-EID) nga i-downgrade na ang Enhanced Community Quarantine (ECQ) sa GCQ sumugod sa Mayo 1, apang magahulat pa ang probinsiya sang pirmado nga dokumento gikan sa national government.

Kun wala na sang pagbag-o diri, lauman na suno kay Lacson, ang pagsako sang economic activities, apang magapabilin ang curfew, ang pagdumili sa mga naga-edad 0-20 anyos kag 60-anyos pasaka nga makaguwa sa ila balay, kag magapabilin man nga sirado ang border sang Negros Occidental sa Negros Oriental.


Mangin bukas ang sea ports kag airports apang para lamang ini sa mga cargos kag special trips.

Hulaton naman sang provincial government ang guidelines sang Department of Transportation tuhoy sa pagbalik byahe sang publiko nga mga salakyan.

[image: image.png]



Facebook Comments