Nakatakdang ipagawas sa Philippine Drug Enforcement Agency o PDEA ang dugang pangalan sa suspected barangay narco-politicians sa publiko ning bulana.
Sainterview sa RMN Malaybalay ngadto kang John Romy Echeveria, ang provincial head sa PDEA-Bukidnon gikumpirma niini ang mao nga taho kamatuoran, gipahigayon pa nila ang hugot nga validation sa maong mga pangalan.
Matud ni Echeveria nga gihimo kini sa PDEA aron magiyahan ang katawhan sa botaran nila nga mga kandidato sa Brgy ug SK elections sa Mayo 14 ning tuiga.
Una nang gibulgar ni PDEA 10 Regional Director Wilkins Villanueva nga base sa ilang listahan anaa sa 22 ka suspected brgy. narco-politicians sa rehiyon diin 8 niini ang gikan sa Bukidnon.
Gihimo sa PDEA ang pagpagawas sa maong ihap kay wala sila matagbaw sa 207 ka brgy officials nga gipagawas sa ilang national headquarters diin 11 niini gikan sa Northern Mindanao.
