Ikaduhang kaso sa COVID-19 sa Northern Mindanao, gikan sa Lanao del Sur

54

Gikumpirma kagahapon sa Inter-Agency Task Force on COVID sa Iligan City nga taga-Lanao del Sur ang nag-positibo sa corona virus nga patient under investigation o PUI karon sa usa ka tambalanan sa dakbayan sa Iligan.

Matud pa ni City Health Officer Cherlina Cañaveral, taga-Masui ang nasangpit nga pasyente apan sa Iligan na kini nagpuyo sugod niadtong Marawi siege sa tuig 2017.


Nag-renta sa Iligan niadtong una ang pamilya sa pasyente hangtud nga nakapalit na kini og balay dinhi. 

Apan tanang records ni pasyente, lakip na ang COMELEC registration atoa sa Masiu ug mo-uli lamang kini kung mo-botar matag eleksiyon ug kung dunay mga importanteng selebrasyon.

Kung kahinumduman nga taga-Lanao del Sur usab si Patient 40 kinsa unang na-admit sa Adventist Medical Center Iligan niadtong Marso 3 apan namatay sa Northern Mindanao Medical Center sa Cagayan de Oro City niadtong Marso 13.

Taga Lanao del Sur usab ang pasyenteng namatay sa AMC niadtong Dominggo sa hapon ug gilubong sa usa ka quarry area sa Barangay Bonbonon. (Divina M. Suson, DXIC Iligan City, March 25)

Facebook Comments