Iligal nga droga, angulo sa pagpamusil sa kanhing preso

8

General Santos City—may kalabutan sa iligal nga droga ang usa sa mga motibong ginatan-aw sa kapulisan sa nahitabong pag pamusil sa wala mailhing mga suspect sa kanhing priso sa police station 3 nga si Ermie Cagas, legal age nga nanimuyo sa Barangay Lagao ning syudad sa Heneral Santos.

Sumala pa ni PCI Peter Pinalgan Jr. ang hepe sa Police Station 3, nga padayon silang nagpahigayon ug makuting imbistigasyon kabahin na sa mga posibleng motibo sa maong pag pamusil patay ug kung kinsa ang mga suspect nga m buhat niini.

Gawas matud pa sa kasong paglambigit sa iligal nga droga sa biktima ginatan-aw usab sa kapulisan karon ang trabaho niini isip sub agent nga naga asikaso ug mga pyansa sa Hall Of Justice alang sa ilahang mga kleyente. Gawas sa duha ka mga angulo posible pa usab kini nga madugangan.

Kung kahinumduman nga nakaangkon ug tulo ka samad pinusilan ang biktima sa iyahang ulo nga maoy hinungdan sa iyahang hinanaling kamatayon.

Gisuta pa usab karon sa kapulisan kung aduna bay posibleng mahimong testigo sa maong pag pamusil ug kung aduna bay mga cctv nga nakakuha sa maong panghitabo nga makatabang sa pag-ila sa ilhanan sa suspek. (Dave Silagan)

Facebook Comments