Ginkumpiskar sang Janiuay PNP ang mga kahoy nga illegal nga ginpang-utod matapos wala sang mapakita nga mga dokumento.
Una nga nakumpiskar sang kapulisan ang kapin 500 board feet sang kahoy nga Jemelina kag Mahogany sa barangay Kipot kon sa diin gindakop ang tag-iya sang mga kahoy nga si Mercy Catilo matapos wala sang mapakita nga nagakaigo nga dokumento.
Masunod nga na-intercept kag nakumpiskar ang kapin sa 1000 board feet sang mga kahoy sa bahin sang Barangay Jabon, Janiuay kag nadakpan sanday Lucresia Arca kag ang driver sang truck nga si Angelo Ego.
Ginpahayag ni Police Sr. Inspector John Paul Guay nga may nagreport sa ila nga may mga illegal logging nga nagakatabu sa ila lugar kabangdanan nga ila ginresponderan nga nagresulta sa pagkakumpiskar nila sang nasambit nga mga kahoy.
magapangatubang sang kaso nga Illegal logging ang mga tag-iya sang illegally cut nga mga kahoy.
