Illegal recruitment alarming na

25

Davao City – Gikumpirma sa Mindanao Migrants Center for Empowerment Action (MMCEA) nga taas na ang kaso sa illegal recruitment alang sa trabaho abroad dinhi sa dakbayan sa Davao.


Matud sa social worker nga si Jojo Velasco, paboritong operasyon sa mga illegal recruiters mao ang Calinan area tungod kay dali ra ma-engganyo ang mga tawo sa nasangpit nga dapit hatud sa kalisod sa kinabuhi.

Segun ni Velasco, sa General Santos City ginahimo ang tanang peke nga mga dokumento nga gikinahanglan sa mga ma-recruit ug ipaagi sa ‘southern backdoor’ ang ilang pagsulod sa ubang nasud sama sa silingang Malaysia.

Sumala ni Velasco, ang uban naga gamit og ‘visitors visa’ aron makasulod ug makatrabaho sa langyaw’ng kanasuran sulod sa unom ka bulan apan ang maut kay magtago-tago kun mag-‘TNT’ na lamang sila aron dili madakpan.

Una mo-expire ang six-months visitor’s visa, ang mga kumpanya nga direktang nagkuha og mga Pinoy apan sa iligal nga pamaagi mupalihok dayon sa mga papeles aron ma-legal na ang pag-estar sa ilang mga trabahante.

Giklaro ni Velaco nga mabutang sa alanganin ang mga Pinoy nga manarbaho’g ilIgal sa ubang nasud kay wala sila’y record sa mga ahensiya sa gobyerno ug dili dayon sila matabangan sa host country kung sila madakpan ug ma-preso ba kaha.

Ehemplo niini mao kadtong nahitabo sa tulo ka mga Dabawenya nga misulod ug nanarbaho sa Malaysia nga walay pertinenteng dokumento kinsa gidakop ug gipreso human gi-ronda sa mga awtoridad ang ilang gitrabahoan nga beer house.




Suportado karon 100% sa migrant center ang mando ni Pres. Rodrigo Duterte nga ilusad ang hugot nga crackdown kontra illegal recruiters ingon man mga child traffickers susama sa hugot nga krusada kontra illegal drugs.

Usab dakung pabor si Velasco nga dili tugtan nga maka-piyansa pa ang mga areastadong illegal recruiters ug kung mahimo, mas pabug-atan pa ang silot batok kanila aron makakaon ug tagam buwahan matuldukan na nato sa hingpit ang illegal recruitment activities dinhi sa atong dakbayan.

RadyoMan Joel Viray

Facebook Comments