Iloilo City Community College kalakip sa magahatag sang libre nga tuition kag miscellaneous sa pagbukas sang karon nga school year

ILOILO City – Kalakip ang Iloilo City Community College sa mga government schools nga sakop sang Universal Access to Quality Tertiary Education Act of 2017.

Nagakahulugan ini nga kapin sa 400 ka estudyante nga magasulod pa lang kag ang existing na nga 3rd year kag 4th year sang ICCC ang makapulos sang libre nga tuition kag miscellaneous fees.

Suno kay ICCC Administrator Maria Mathilde Octavio qualified ang college sa mga kolehiyo nga may libre nga tuition kag miscellaneous fees base sa en banc session sang Commission on Higher Education.


May 78 ka ka colleges kag universities sa bug-os nga pungsod nga sakop sang free tertiary education law.

Pinakauna ang ICCC sa City Colleges sa Western Visayas nga nahatagan sang CHEd recognition gani nalakip ini sa scholarship program.

Nagatayag sang BS Transportation Management kag BS Office Administration ang ICCC.

Photo from web

Facebook Comments