Iloilo City government finalist sa Excellence in Local Governance ukon Excell Awards sang DILG -6

Finalist ang Iloilo City government sa Excellence in Local Governance (EXCELL) Awards sang Department of the Interior and Local Government (DILG) – 6.

Sang nagligad nga semana nagpaidalum sa evaluation ang syudad gikan sa 18 ka validators gikan sa nagkalainlain nga ahensya sang gobyerno.

Ginvalidate sang mga evaluators ang outstanding accomplishments sang syudad sa governance, administration, social services, economic development , environmental management, local legislation kag nagkalainlain nga mga padungog nga nabaton sang city government.


Suno kay City DILG Dir. Atty. Ferdinand Panes, tanan nga local officials sang region 6 nagahandum sang excel awards bangud indi kaangay sang iban nga mga search mas maid-id ang validation kag mahibaluan sang mga officials ang specific areas nga kinahanglan nila i-improve.

Ang EXCELL gin conceptualize sang DILG VI agud mausisa ang transparency kag accountability sa governance, maghatag sang positive reinforcement sa good performers, mapakilala ang mga pwede mareplicate nga best practices, kag mapabakod ang paghimakas sa pag-educate sa mga tawo sa nagkalainlain nga mga practices sa probinsya, syudad kag kabanwahanan sa rehiyon.

Sang nagligad nga tuig nangin best performing city sa region ang Iloilo matapos ini ginkilala nga kampyon sa
Environmental Governance, kag first runner-up sa Administrative Governance, Social Governance, kag Economic Governance sa City category.

(photo from web)

Facebook Comments