Iloilo City may 8 ka rabies cases

ILOILO City – Ginhingyo ni City Veterinarian Dr. Tomas Forteza si Mayor Jose Espinosa III nga liwat buhion ang Iloilo City Rabies Control Council.

Kasunod ini sang liwat pagtaas sang kaso sang human rabies sa syudad.

Ang council amo ang responsible sa pagrekumendar sang mga stratehiya agud makontrol ang pagsulod sang positive rabies cases sa syudad.


Ginkumpermar ni Forteza nga may walo (8) na ka kaso sang rabies cases base sa examination sang Regional Animal Disease Diagnostic Laboratory sugod Enero tubtob Hulyo subong nga tuig.

Gin-ako ni Forteza nga sang nagligad nga tuig naalarma na ang ila opisina bangud sang clustering of cases gikan sa kaiping nga banwa sang Pavia.

Mabudlay nga makontrol ang pagsulod sang mga layaw nga ido sa syudad gikan sa kaiping nga mga banwa.

Narecord ang mga positibo nga rabies cases sa Barangays Lapus Sur, Lapuz; Tabucan kag Guzman-Jesena sa Mandurriao; Tacas, San Isidro kag Quintin Salas, Jaro kag sa central market para sa ido kag may isa ka kaso gikan sa kuring sa Cochero, Molo.

Sa pihak sini nagpasalig si Forteza nga kontrolado nila ang sitwasyon.

Photo from web

Facebook Comments